सेवापाटी सम्वाददा २०८१ता, २९ पुस
ललितपुरको सातदोबाटो–चापागाउँदोबाटोमा रहेको उद्यमी घरमा वागमती प्रदेशका माननीय उद्योग, वाणिज्य, भुमी तथा प्रशासन मन्त्री शुकमाया तामाङज्युले अवलोकन भ्रमण गर्नुभएको छ । भ्रमणको क्रममा उहाँले राज्यले ब्यवस्थापन गर्नुपर्ने कार्यमा उद्यमी घरले यस्तो कार्यको शुभारम्भ गरेकोमा धन्यबाद ज्ञापन गर्नुभयो ।
नेपाली मौलीक कला, संस्कृति र सीपको जगेर्ना गर्दै नेपाली पौरख र उत्पादनहरुलाई राष्ट्रिय तथा अन्तर्राष्ट्रिय बजारमा पुर्याई सयौं युवा तथा महिलाहरुलाई रोजगारी प्रदान गर्नुका साथै आयआर्जनमा समेत विशेष मद्धत पुर्याएकोमा खुसी ब्यक्त गर्नुका साथै यस्ता कार्यमा आगामी बर्षहरुमा वागमती प्रदेश सरकार, उद्योग, वाणिज्य, भुमी तथा प्रशासन मन्त्रालयको तर्फबाट साथ, सहयोग गर्ने प्रतिवद्धता जनाउनुभयो ।
